|
گؤزلیم مشتری یم منده او شهلا گؤزیوه
قان اولان کؤنلوم اولوب واله وشیدا گؤزیوه
رحم قیل طره ی افشانیوی چک بیر طرفه
تا ائدیم شوقیله مین دفعه تماشا گؤزیوه
نرگس مستیوه مین داغلی اوره ک آلوده
قارلیکده چاتا بیلمز شب یلدا گؤزیوه
نازیله باخما گلر چشم خومارون نظره
ائیله حسرتله باخیر کی هامی دونیا گؤزیوه
کیپریگون چالما گولوم کاسه ی شبنم جالانار
گؤز تیکیب ریشه ی عشقین گؤلو دریا گرزیوه
بیر دایان باشیوی قوی چینیوه باخ بیر ائله کی
قان اوره ک دینجله بلکه قورا شورا گؤزیوه
هیجانیله باخاندا سارالیر روخساریم
دویمورام باخدیقیجا والله اوزیبا گؤزیوه
سنی نقّاش ازل طاعت اوچون بت یارادیب
باغلانیب لات ومناتیله چلیپا گؤزیوه
بیری واردیر گئجه گوندوز اوتوروب آسوده
آغلاغان شعروغزل ائیله یر انشا گؤزیوه
نظرات شما عزیزان:
|
تبادل لینک هوشمند 